4 თებერვალი კიბოს საერთაშორისო დღეა
4 თებერვალს კიბოს საერთაშორისო დღე აღინიშნება. ამ თარიღთან დაკავშირებით, შრომის, ჯანმრთელობისა და სოციალური დაცვის მინისტრის მოადგილემ მარიამ ჯაშმა სასტუმრო „რედისონში" სამედიცინო კონფერენცია გახსნა. კონფერენციაზე კიბოს დროული აღმოჩენის, პრევენციისა და საქართველოში სიმსივნური დაავადებების კუთხით არსებული მდგომარეობა განიხილებოდა.
2013 წელს კიბოს საერთაშორისო დღის სლოგანია: კიბო - იცოდით თუ არა? ამ დღის მიზანია საზოგადოების ინფორმირება, რომ პროფილაქტიკური და პრევენციული ღონისძიებების საშუალებით, ონკოლოგიურ დაავადებათა 40% თავიდან აცილებაა შესაძლებელი. ასევე, დროული და სწორი მკურნალობა პაციენტთა დიდ ნაწილს სრული განკურნების შანსს აძლევს.
2011 წლის მონაცემებით, საქართველოში, ავთვისებიანი სიმსივნეების დიაგნოზით 25143 პაციენტია რეგისტრირებული. პირველადი დიაგნოზით კი, აღრიცხვაზე 4252 ადამიანი იმყოფება.
კიბოს საერთაშორისო დღისადმი მიძღვნილი სამედიცინო კონფერენცია ჯანდაცვის სამინისტროსა და დაავადებათა კონტროლისა და საზოგადოებრივი ჯანდაცვის ეროვნული ცენტრის ორგანიზებით ჩატარდა.
