მოწვევა მიმღები ორგანიზაციის შერჩევაზე
შიდსთან, ტუბერკულოზთან და მალარიასთან ბრძოლის ქვეყნის საკოორდინაციო საბჭო აცხადებს განაცხადთა მიღებას გლობალური ფონდის აივ/შიდსის განახლებული გრანტის (GEO-H- GPIC) ძირითადი მიმღები ორგანიზაციის პოზიციაზე.
პროგრამის განხორციელების პერიოდი: 2013 წლის ივლისი - 2015 წლის დეკემბერი
პრეტენდენტი ორგანიზაცია უნდა შეესაბამებოდეს შემდეგ აუცილებელ მოთხოვნებს:
- ორგანიზაცია უნდა წარმოადგენდეს დამოუკიდებელ იურიდიულ პირს (ადგილობრივი ორგანიზაცია საჯარო ან კერძო სექტორიდან);
- ორგანიზაციას უნდა გააჩნდეს დამოუკიდებელი საზედამხედველო საბჭო;
- ორგანიზაციას უნდა გააჩნდეს გრანტების მიღებისა და გაცემის შესაძლებლობა, მოქმედი კანომდებლობის შესაბამისად;
- ორგანიზაციას უნდა გააჩნდეს მოცულობითი საერთაშორისო გრანტების მართვის გამოცდილება ჯანდაცვის სფეროში. შიდსთან, ტუბერკულოზთან და მალარიასთან ბრძოლის გლობალური ფონდის პროექტების განხორციელებაში მიღებული გამოცდილება განიხილება დამატებით უპირატესობად;
- ორგანიზაციას უნდა გააჩნდეს ორგანიზაციული სტრუქტურა მმართველობის, მენეჯმენტის და ანგარიშგების ეფექტური პროცედურებით;
- ორგანიზაცია დაკომპლექტებული უნდა იყოს შესაბამისი განათლების და საერთაშორისო პროექტების განხორციელების გამოცდილების მქონე პერსონალით;
- ორგანიზაციას უნდა გააჩნდეს შიდა კონტროლის ეფექტური და მოქნილი სისტემები;
- ორგანიზაციას უნდა გააჩნდეს სათანადო მართვის ელექტრონული სისტემა ელექტრონული ტრანზაქციების განხორციელების, რეგისტრაციის და ეფექტური ანგარიშგების მიზნით;
- ორგანიზაციას უნდა გააჩნდეს შესყიდვების ეფექტური სისტემა და, ასევე, შესყიდვების განხორციელების მყარი გამოცდილება (მათ შორის სამედიცინო პროდუქტებისა და ფარმაცევტული ნაწარმის);
- ორგანიზაციას უნდა გააჩნდეს მარაგების მართვის და კონტროლის მოქნილი სისტემა;
- ორგანიზაციას უნდა გააჩნდეს შესაბამისი მატერიალ-ტექნიკური ბაზა.
განაცხადის შეტანა (შესაბამისი დამადასტურებელი დოკუმენტაციით) უნდა მოხდეს სახელმწიფო საკოორდინაციო საბჭოს სამდივნოში შემდეგ მისამართზე: წერეთლის გამზირი 144; შრომის, ჯანმრთელობისა და სოციალური დაცვის სამინისტრო, მე-6 სართული ან შემდეგ ელექტრონულ მისამართზე:admin.ccm@caucasus.net
განაცხადის წარდგენის ბოლო ვადა - 2013 წლის 21 იანვარის, დღის 12:00 საათამდე.
